Sondag 17 Mei 2026: 09:00

Liewe geloofsfamilie,

hiermee nooi ons jou hartlik uit na ons Sondagoggend erediens.

Kom beleef saam met ons hoe God se Gees steeds lewe bring, hoop herstel en harte aanraak.

Skriflesing: Hand 2: 1-13
Tema: “Toe die wind weer deur die huis waai”
Aanlyn skakel: https://youtube.com/live/kwsN_i5bu5o

Ons leef in ’n tyd waar baie mense moeg, bekommerd en geestelik uitgeput voel. Pinkster herinner ons dat God steeds deur sy Gees werk — Hy vul weer dit wat leeg geraak het.

Voor ons saamkom, wil ons jou uitnooi om reeds stil te word voor die Here met ’n paar eerlike vrae:

• Waar in my lewe het die vensters begin toemaak?
• Waar het my geloof moeg of stil geraak?
• Waar het ek hoop verloor?
• Waar het vrees my teruggehou?
• Waar het ek opgehou verwag dat God nog kan werk?
• Is daar plek in my hart vir die vars wind van God se Gees?

Nooi gerus familie en vriende saam.
Daar is plek vir elkeen.

Ons sien uit daarna om saam te aanbid. 🙏

Vrede,

Ds. Willie